اذاي تنظم وقتك صح ؟

# أذاي تنظم وقتك صح ؟
--------------------------------------------------------
كلنا بنسمع دايما عن ادارة الوقت وانك لازم تنظم وقتك وكده بس محدش بيقول تنظم وقتك اذاي او تعمل ايه وده بسبب ان مفيش حاجة معينة تنفع مع كل الناس لان كل واحد ليه ظروف وليه مهام معينة المفروض يعملها مختلفة عن الباقي بس في شوية طرق تنفع مع اغلب ناس تقدر تستخدمها في البدايا لحد متوصل للطريقة الاحسن ليك او انك تعمل حاجة فريدة لنفسك
وهنبدأ بأول وأهم حاجة وهي
------------------------------------------
## ايه اكتر حاجة بضيع وقتك ؟
عارف ايه اغلي حاجة معاك ؟
- الاجابة: الوقت, الوقت ده مش حاجة مادية تقدر توقفها او تزودها, الوقت ده هو عمرك الي بيضيع اي يكن بقي بيضيع اذاي هل استفدت بيه ولا ضاع كده وخلاص
ومش بقصد بكلمة "ضاع كده وخلاص" ان ده الوقت الي متعلمتش فيه حاجة بل بالعكس محدش اصلا بيقدر يتعلم علي طول 24 ساعة بس بقصد بأضاعة الوقت هو انك تتسحب في ال "Shorts" وده الي ظهر اول مرة في Tiktok وبعد كده ظهر في كل السوشيال ميديا
وطبعا مش الشورتس بس هي الي بيضيع الوقت غلط بس السوشيال ميديا عموما بس أسوء طريقة تضيع بيها وقتك حرفيا هي بالشورتس
وده لكذا سبب اول حاجة ان الموضوع مش فكرة تضيع وقت بس ده بيبقي ليه ضرر عقلي لانه بكل فيديو بتشوفه من نوعية الشورتس عقلك بيفرز كمية من هرمون دوبامين "Dopamine" كبيرة جدا والدوبامين ده الهرمون المسؤال عن السعادة, طبيعي جدا هتقولي ايه المشكلة في كده المشكلة هنا ان الدماغ هيجيله ادمان من الهرمون ده وبالمناسبة اي حاجة من الحاجات الي بتسبب الادمان فهي بتسببه بسبب ان المخ بيفرز برده فيها الدوبامين وده الي بيسبب الادمان في الحاجة ده يعني باختصار ممكن تسمي الدوبامين هرمون الادمان
هتيجي وتقولي طب ايه المشكلة لما المخ يجيله ادمان من الدوبامين هقولك اول حاجة الحاجات البسيطة الي كانت بتسعدك مش هتسعدك تاني علشان خلاص المخ اتعود علي كمية ضخمة من الدوبامين وبالتالي الكميات الصغيرة مبقتش بتأثر فيه, ده غير اصلا هيجيلك ادمان في الحاجة الي بيتفرز فيها الدوبامين والي احنا بنتكلم عليها دلوقتي وهي الشورتس
هتيجي وتقولي انا مش فارق معايا اضيع وقتي في الشورتس ومش فارق معايا موضوع الدوبامين فهتفرج عادي علي الشورتس, هاجي واقولك بعيدا طبعا عن موضوع ان الوقت الي بتاخده في الشورتس هيزيد مع الوقت غير ان "attachment" او التركيز بتاعك هيضعف مع الوقت علشان هتكون اتعودت ان في حاجة قدامك بتتغير كل شوية بسرعة ومش بتزهق منها فهتيجي في الحاجات الي بتاخد وقت زي انك تقرأ كتاب او تذاكر او تاخد كورس هتلاقي صعبة جدا عليك ده غير انك مش هتستوعب حاجة وهتزهق جدا غير انك ممكن متكملش في الحاجة الي بتعملها
فكده لو جمعنا الحاجات الي هتخسرها فهتكون الوقت والي هيضيع اكتر مع الوقت رغبا من دماغك انه يفرز دوبامين اكتر و هتقل فرحتك وسعادتك بالحاجات العادية الي كانت بتسعدك و التركيز بتاعك هيضعف مع الوقت فمش هتقدر تعمل الحاجات الي بتاخد وقت كبير, مش ملاحظ ان كل الحاجات ده هي علامات الفشل ! فأبعد خالص عن الشورتس والسوشيال ميديا عموما
هتيجي وتقولي طب الاخبار الي بعرفها علي السوشيال ميديا ده هعرفها اذاي ؟ الموضوع ده تعبت فيه كتير علشان الاقيله حل, والحل الي وصلته هو انك تمسح كل البرامج من الموبايل بتاعك يعني هتمسح الفيس بوك وانستجرام والتويتر والبرامج ده والتيك توك اصلا المفروض تكون ماسحه من زمان لانه مفيهوش اخبار وبعد كده لما تعوذ تفتح برنامج مثلا الفيس علشان تعرف الجديد فهتفتحه من البراوزير يعني من جوجل كروم لأنك حرفيا هتاخد اسوء تجربه استخدام ممكنة ومش هتحب اصلا تفتحه كتير, ولو بتفتح البرامج ده اصلا من الكمبيوتر زيي كده فانت في الطبيعي مش بتقعد فيه وقت علشان ال scrolling في الكمبيوتر مش اسهل حاجة ده غير التجربة نفسها مش اظرف حاجة علشان هم بيستهدفوا مستخدمين الموبايلات بس برده ممكن تقلل خالص بانك تستخد extension من الاكستينشينز الموجودة من نوع Add Bloking علشان فيه تقدر تلغي خالص ال home pge في المواقع فكده هتقلل خالص استخدامك للمواقع ده,وبرده لما تفتح البرامج ده اي يكن بقي موبايل او من الكمبيوتر فمش هتفتحه في اي وقت يعني متجيش الصبح بدري وتضيع مجهودك وطاقتك وتفتح تشوف ايه الاخبار لأ تفتحه بليل بعد متخلص كل الي عليك تبقي افتحه بقي
وطبعا انا مش بقصد بالكلام ده كله انك متريحش او متاخدش بريك لأ بس لما تضيع وقتك يبقي بنفع واستفادة والاستفادة هنا تكون في انك تريح غقلك وعينك ومتفكرش في حاجة هو ده المعني الصح للبريك وياسلام لو استفد بالوقت ده بانك تحرك جسمك بأي طريقة بقي تتمشي بره او تركب عجله او تروح الجيم اي حاجة مش فارقة او ممكن تعمل هواية ليك زي الرسم او التصوير او حتي تلعب جيمز يعني المهم في الاطار ده حاجة ليها نفع عليك تريح بيها نفسك مش تضرك
هنيجي بقي للموضوع الاساسي للمقالة ده الي هو اذاي تنظم وقتك صح
في الحقيقة في طرق كتير جدا علشان تنظم بيها وقتك كل طريقة بتستهدف تنظيم معين وكل طريقة ليها البرامج الي هتستخدمها
هنيجي بقي بأول نظام والي هو
--------------------------------------------
## نظام ال Time Bloking
الطريقة ده بيستخدمها Elon Musk شخصيا وليه بقولك علي الشخص ده بالذات؟ انا بقولك علي ده علشان ده معاه مجموعة من الشركات الضخمة جدا والي اكيد انت عرفهم كلهم زي
"Paypal", "SpaceX", "Tesla", "The Boring company", "Neuralink" وشركات تانية كتير
فتخيل معايا قد ايه من الشغل الي وراه وقد ايه يومه زحمة جدا
الطريقة ده بقي بأختصار لما يبقي في حاجات معينة بتعملها بأستمرار وفي اوقات معينه بتسجلها علشان تبقي قدامك علي طول, وهنا انت هتستخدم اي برنامج calendar من جوجل بقي او ابل او لو فيه برنامج في موبايل مستريحله, والطريقة ده بالذات يستحسن تبقي ببرنامج مش بورقة علشان يبقي عندك حرية اكبر في التعديل علي الجدول بتاعك وتقدر تشوف انت ضيعت وقتك فيه ايه
هتعمل ايه بقي ؟
هتيجي وتغير طريقة العرض للعرض الاسبوعي ده من رأيي احسن عرض ممكن تستخدمه, هيبقي ظاهر عندك الايام كلها من فوق ومن اليمين هيبقي ظاهر عندك ساعات اليوم وهتبدأ بقي تعمل بلوكات وايوة الطريقة اتسمت Time Bloking علشان كده, البلوكات ده بتحدد الوقت بتاعتها من فين لفين وحاجة الي هتعملها فيها وهتبدأ بقي تحط الحاجات الاساسية يعني اول حاجة مثلا النوم هتعمل بلوك كبير من الساعة مثلا 12 للساعة 8 (اي وقت بقي بس الوقت الي فعلا بتنام فيه) وهتيجي تسمي الوقت ده بالنوم وتحدد انه هيتكرر يوميا, وهتيجي مثلا لو عندك كورس معين بتروحه هتسجله برده هنعتبر مثلا انه يومين في الاسبوع من الساعة 9 للساعة 12 فهتعمل بلوك بالوقت ده وتحدد انه هيتكرر كل مرة في اليومين دول وتكتب اسم البلوك انه ده الكورس ونفس النظام بقي هتبدأ تعمل بلوكات للمدرسة او الجامعة مثلا او بالشغل لو فيه رياضة معينة بتعملها بتحطها المهم تحط الحاجات الاساسية الي داميا بتكرر كل مرة
بعد مهتخلص هيبقي عندك جدول كامل فيه كل المواعيد الي عندك ثابتة فكده انت مش هتنسي معاد منهم وهتبقي فاكرهم ومحضرهم وكمان لو جاه ميعاد زيادة فجأة فهتقدر بكل سهولة تفتح الجدول بتاعك وتشوف المعاد الي انت فيه فاضي, ومن مميزات Google Calendar انه بيعملك نوتيفيكيشن قبل ميعاد بتاعك وده الي هيفكرك بالمواعيد وهتحس براحة كبير لما تفضي دماغك خالص من التفكر في المواعيد الي عندك علشان هتقدر بكل سهولة تفتح الجدول بتاعك وتبص فيه
هنيجي لأهم حاجة في الموضوع ده وهو review الاسبوعي, بص المواعيد الي انت حاططها ده ممكن يحصل ظروف وتتلغي او يتغير مكانها او يبقي وراك حاجة في الميعاد ده فهتلغيه يعني اكيد هيحصل حاجة وهنا انت هتعدل علي الجدول يعني احنا كنا متفقين ان الحاجات الي بتكرر نخليها في الجدول تتكرر علي طول بس لو فيه يوم مثلا الميعاد ده هيتأخر نص ساعة يبقي هنيجي في الجدول وهنخلي الميعاد ده يتأخر نص ساعة (بس فيه حاجة المرة ده بس يعني يتأخر المرادي بس نص ساعة مش علي طول الكلام ده بيتعمل في اعدادات الجدول) فكل اسبوع بقي هتحط الحاجات الي حصل يعني في مرة نمت متأخر شوية في مرة مرحتش الميعاد الفلاني في مرة عملت حاجة معينة مختلفة كل ده هتسجله وفي نهاية كل اسبوع هتبدأ تشوف الجدول وتشوف بقي ليه اليوم الفلاني نمت متأخر بحيث متكررش الخطأ ده كل مرة وهكذا اهم حاجة ال review
--------------------------------------------
## نظام ال PARA
نظام ال para ده ابتكره واحد اسمه "Tiago Forte" ولو متعرفهوش فده واحد متخصص في "Self Development" ومهتم بانه يعمل Second Brain وده معناه ان يبقي فيه دماغ الي بتبقي مسئولة عن الشغل والمذاكرة ودماغ تانية مسئولة عن تنظيم اليوم والمشاريع الي عندك
والنظام ده بيهتم بحفظ وادارة المشاريع بالكامل وبيحل مشكلة تعدد الاهتمامات كل واحد اكيد بيبقي عنده كذا حاجة المفروض يعملها وبيتوه وسطهم فالنظام ده بيحل الموضوع ده وال para بتتكون من اربع حروف كل حرف بيدل علي كلمة من دول "Projects Areas Resources Archives"
بص اول حاجة احسن برنامج للنظام ده هو Notion برنامج بصراحة جميل اوي هو ممكن يبقي صعب شوية في البداية بس بمجرد متتمكن منه هتلاقيه مفيد اوي
اول حاجة بفي هتحدد كل مجالات حياتك والي احنا هنسميها areas يعني هتعمل area للمدرسة و area تانية للكورسات و area تانية للرياضة و area تانية للدين طبعا كل ده امثلة انت حط المجالت بتاعتك
وبعد كده هتحدد بقي المشاريع بتاعتك والي هنسميها Projects يعني هتيجي جوة مثلا ال area بتاعت المدرسة تعمل لكل مادة project يعني مثلا لو عندك 6 مواد يبقي هتعمل 6 projects وتيجي برده في كل area عندك وهتعمل ليها projects جواها
بعد متخلص بقي كل ال areas و projects هتيجي بقي للمهام والي هنسميها tasks الي عندك يعني هتيجي مثلا لمادة عندك والي سمناها projects هتحط فيها كل الدروس بتاعتك وكل درس هيكون عبارة عن task وهتعمل بقي لكل ال projects الي عندك tasks وياسلام بقي تبقي تكتب تفاصيل جوة ال tasks ده يعني لو رجعنا لمثال الدروس ممكن دوة ال tasks تلخص فيها الدرس وكده مع اي task عندك
هنرجع بقي لنوشن اذاي نحط كل ده فيها او حاجة هتعمل database جواها بأسم areas هتحط بقي جوة ال database كل جوانب حياتك الي انا قولنا مثال ليهم المدرسة والرياضة والدين والكورسات هتحط المجالات حياتك كلها فيها
بعد كده هتعمل database تانية منفصلة هتسميها projects هتحط فيها كل البروجيكتس بتاعتك يعني مثلا تحط المنهج كله الي عندك وتعمل لكل درس attribute فيها اسم ال area والي هي مثلا المدرسة وبعد كده تحط مثلا كل الكورسات بتاعتك وتحط لكل كورس attribute لاسم ال area مثلا كورسات وكده, بعد متخلص كل البروجيتكس بتاعتك هترجع بقي لل database ال area وتعم get database ال projects وجواها هتعمل filter بال attribute الي احنا حددناها ممكن تلاقي الكلام ده صعب بس مجرد متفهم نوشن هتلاقي الموضوه بقي سهل, وأهم حاجة تفهم النظام نفسه وبعد كده تستخدمه في اي حاجة مش شرط نوشن ممكن تستخدمه علي ورقة وكلم او ممكن تستخدمه علشان تنظم ملفات الكمبيوتر بتاعك كده يعني
------------------------------------------
## نظام ال GTD
اكيد دايما يعدي علي وقت تحس فيها انك متكعبل وعليك حاجات كتير المفروض تعملها ومش عارف تعمل ايه وبتسيب ايه وده الي في نهاية بيخليك متعملش حاجة خالص منهم علشان كده جاه واحد اسمه "David Allen" ابتكر نظام ال GTD وده اختصار لكلمة "Gitting Things Done"
النظام ده تقدر تستخدمه برده عادي علي نوشن بس من رأيي الاحسن تستخدم Google Keep او اي Todo List عندك
اول حاجة كده النظام بيتكون من 6 مبادئ الي هم
1- Capture
2- Processing
3- Organize
4- Planning
5- Engage
6- Reflect
المبدأ الاول والي هو "الجمع": دماغك ميقدرش يجمع كل الافكار بينتجها بس, بس مش بيجمعها فانت محتاج حاجة تجمعلك الافكار ده فانت اول حاجة في نظام ال GTD لما تستعمل Google Keep انك تجمع الافكار ده كلها
المبدأ التاني والي هو "المعالجة": بكل بساطة مش كل الافكار الي هتجيلك هي افكار حلوة او مهمة فمش شرط تنفذها كلها فانت مهمتك انك تفلتر الافكار ده وتسمح الافكار الي ملهاش لازمة
المبدأ الثالث والي هو "الترتيب": والي هو انك ترتب الافكار ده لأفكار مهمة واقل اهمية ومش مهمة بس عايز تعملها بحيث تعرف انت هتبدأ بأيه ومتحترش تاخد ايه وتسيب ايه
المبدأ الرابع والي هو "التخطيط": والي هو انك هتخطط للأفكار ده وتشوف الفكرة ده هتعملها اذاي وهتاخد منك وقت قد ايه
المبدأ الخامس والي هو "التنفيذ": وهنا انت هتبدأ بقي تنفذ الافكار الي هتجيلك ده منغير ميبقي عليك ضغط او لخبطة من كمية افكار وتخلي دماغك مركز علي الفكرة ده منغير تشتيت فيه باقي الفكر
المبدأ السادس والي هو "المراجعة": وهنا هتشوف انت في كل فكرة اخذت وقت قد ايه علشان تعرف في المرة الي جاية تدي وقت صح للأفكار وتشوف ايه الافكار الي استفد منها
---------------------------------------
## نظام The Eisenhower Matrix
مصفوفة ايزنهاور الي ابتكرها الجينرال الامريكي السابق D. Eisenhower من اكفئ الانظمة لما تبقي ملكش نفس انك تعمل حاجة علشان في الوقت ده مش هينفع معاك ولا GTD ولا PARA الانظمة ده بتستخدمها غالبا لما تبقي عايز تنجز فعلا وعندك طاقة كبيرة انك تنجز بس احنا دلوقتي بنتكلم لما ميبقاش ليك نفس تعمل حاجة فالنظام ده مثالي للحالة ده
النظام ده من رأيي تستخدم فيه ورقة وكلم هيبقي احسن معاك وابسط النظام بيتكون من مربع كبير جواه اربع مربعات صغيرين علي شكل مصفوفة وهتكتب علي المربعين الي فوق واحدة عاجل وواحد غير عاجل وهتكتب علي المربعين الي علي الشمال واحد مهم وواحدة غير مهم (هتكتبهم بطريقة المصفوفة) فهيتكون معاك اربع مربعات واحد عاجل ومهم وواحد غير عاجل ومهم وواحد عاجل وغير مهم وواحد غير عاجل وغير مهم
وهتبدأ بقي تعمل حاجة اسمها "Brain Dumb" والي هي هتجيب ورقة تانية وتفضي كل حاجة في دماغك حرفيا يعني مثلا عايز اذاكر كذا وعايز اشتري كذا واعمل كذا واخرج واروح هناك واخلص كتاب كذا يعني حرفيا تكتب كل حاجة في دماغك وتفضيه خالص وبعد كده ترجع بقي للمصفوفة وتحط كل حاجة من الي انت كتبتها في المربع بتاعها
خلاص حطيت كل المهام في المصفوفة تعالا بقي المربع الي هو مهم وعاجل والمربع الغير مهم وعاجل دول المفروض يكونوا اول مربعين تنفذ الحاجات الي فيهم علشان طالما هم عاجل يبقي لو متعملوش في الوقت المحدد هيبقي فيه خساير بالنسبة بقي للمربع المهم والغير عاجل فده مربع الناجحين لان كل الي فيه مهم فعلا هو حرفيا اكتر مربع بيبقي فيه المهام المهمة جدا بس مش عاجلا فالي بيعملها هيطور للأحسن دايما بالنسبة بقي للمهام الي في مربع غير مهم وغير عاجل فأمسح المهام الي فيه او اعمل الي فيه في الاجازات
وبرده D. Eisenhower عامل quote مهم جدا بيقول "ان اغلب الحاجات العاجلة مش مهمة واغلب الحاجات المهمة غير عاجلة", علشان كده بنقول علي مربع المهم والغير عاجل هو مربع الناجحين
--------------------------------------
## نظام Pomodoro Technique
ال Pomodoro Technique او طريقة الطماطم (الاسم ممكن يبان سخيف شوية) ابتكرها واحد اسمه Francesco Cirillo اختار الاسم ده بالذات علشان المنبه الي كان بيستخدمه كان منبه مطبخ علي شكل طماطم
التكنيك ده بيبقي عبارة عن خدعة لدماغك لما يكون فيه حاجة هتاخد وقت كبير مذاكرة مثلا فمينفعش تقعد بالساعات تذاكر ورا بعض كده اول حاجة هيبقي صعب نفسيا عليك اوي انك تبدأ وتاني حاجتة تركيزك هيضعف جامد مع الوقت ومش هتبقي فاهم الي بتذاكره, فالتكنينك هنا انك تحدد لنفسك 25 دقيقة بس تذاكر فيهم فالموضوع نفسيا هيبقي سهل عليك انك تبدأ وبعض متخلص ال 25 دقيقة دول هتاخد بريك 5 دقايق وبعد كده تاخد تاني 25 دقيقة, بعد متخلص اربع دورات هتاخد بريك كبير نص ساعة
الموضوع ده مفيد جدا علشان هتحس انه من السهل انك تذاكر 25 دقيقة بس بدل متقول لنفسك هذاكر ساعتين ده غير طبعا الاستفادة الي هتاخدها من اربع دورات من pomodoro هيبقي اعلي من ساعتين ورا بعض.